حسن الزهراني @ مشبب البشري

حسن الزهراني =
سلام يالقرم الذي لقبوه الناس بالقوس=وصلت بعد الغيب والحمد لله عالسلامه
لبشت لايق لك وهذى لمثلك خير ملبوس=وموضت اهل الغرب مابعدها غير الندامه
مشبب البشري =
يامرحبا بك يالمسلم على عز وناموس = والضيف له قدر وتراحيب واعلوم الكرامه
مادمت طيب تبشر بردها والعلم مقيوس = الحضرميه لبوسامي تزين له حزامه
حسن الزهراني =
لك البقاء ياشاعرٌ له علومٌ كنها الموس=الشاعر اللي يجبر الناس تبدي لاحترامه
لاتجهل العربان قوم الشجاعه صلب الروس=والا الخواجه مالهم نهج الى يوم القيامه
مشبب البشري=
الرجل مايجهل بقومه يكود العقل ممسوس= لكن ابو عرام ياصحبي بلش بعرامه
دام الخواجه له صنم يعبده ويقال له دوس = مالي وماله لا تدور على مثلي ملامه
حسن الزهراني =
العافيه والصحه ماثمنتها جاه وفلوس=يالله ياربي رجيتك تبلغنا السلامه
ابوهريره عاش في دوس وهل الهند هندوس=كلن تحدث باللي يعرفه يابودلامه
مشبب البشري=
تو الحقيقة بينت والحمل بالحبل ممسوس= ابو هريره مات مابين بوجه علامه
يالي تصيح ولا دريت ان نابك داخله سوس= ماريت الضرس المسوس بوسطه تقل شامه
حسن الزهراني=
معيني الوم البديوي غشيم العرف ودروس=لوتنشده عن حاجتٌ مايرد الا ابتسامه
ترى الرجال ابهالزمن يالكريم اصناف وجنوس=والصمت حكمه والمهرج تعوذ من كلامه
مشبب البشري=
البدو لو تنشد عن اعلومهم مليون قاموس= ويصعب على التفسر في بعض الاحيان افتهامه
ابها الزمن تصغر نفوس(ن) وفيه تكبر انفوس= وين انت ياللي تسقي الذود لابين حيامه

صحت السنتكم

صحت السنتكم